R.U.R. - Karel Čapek (we ślōnskim przekładzie ôd Mirosława Syniawy)

R.U.R_Slonski_Capek.jpg
  • nowość
Dostępność:: duża ilość
Wysyłka:: 7 dni
Cena:: $10.67

Cena regularna:

10.67
Najniższa cena z 30 dni przed obniżką:
ilość szt.

towar niedostępny

dodaj do przechowalni

Opis

Karel Čapek - R.U.R. (Rossum’s Universal Robots) i Małŏ antologijŏ przedčapkowych tekstōw ô inteligyntnych maszynach, robotach, androidach i cyborgach we ślōnskim przekładzie ôd Mirosława Syniawy.

Myśl ô stworzyniu czegoś podanego na człowieka, co mōgło by robić za niego abo mu aby w robocie pōmŏgać, musiała przijś ludziōm do głowy już dŏwno, bo trefiōmy take cojś już w jednym z nojstarszych znanych nōm utworōw literackich, jakim je epos ô Gilgameszu. Dyć w miarã jak możliwość stworzyniŏ czegoś takigo stŏwała sie corŏz barzij realnŏ, do kupy z takōm możliwościōm prziszoł tyż strach przed tym, coby dzieło człowieka niy ôbrōciyło sie przeciw niymu. Dzisiej, kej widzymy roboty, co lŏtajōm gibcij jak ludzie, a zachowanie roztōmajtych modelōw AI je corŏz mynij przewidowalne, stare teksty z tyj ksiōnżki zdŏwajōm sie kans aktualniyjsze jak w czasach, w kerych były napisane.

Ksiōnżka pokazuje sie we raji Canon Silesiae - Bibliotyka Tumaczyń pod nōmerym 15. 

 

ZESTAWIYNIE

Karel Čapek, R. U. R.

 

MAŁŎ ANTOLOGIJŎ PRZEDČAPKOWYCH TEKSTŌW Ô INTELIGYNTNYCH MASZYNACH, ROBOTACH, ANDROIDACH I CYBORGACH

Kamiynni (Epos ô Gilgameszu, XIII w. p.n.e.)

Drajfusy, co same jeżdżōm, i złote androidy (Homer, Iliada, VIII w. p.n.e.)

Pandora (Hezjod, Roboty i dni, VII w. p.n.e.)

Dedalowe figōry (Platon, Menon, V-IV w. p.n.e.)

Człowiek ze skōry, drzewa, papiōru i laki (Majster Lie, IV-III w. p.n.e.)

Brōndzowy rizŏk (Apollonios z Rodos, Wyprawa Argōnautōw, III w. p.n.e.)

Suga wyczarowany (Lukian z Samosaty, Kminoprzōj abo niydowiarek, II w.)

Mesingowŏ głowa Wergiliusza (Podrobiōny Renart, XIV w.)

Żelazny Talus (Edmund Spencer, Krōlowŏ Wrōżek, 1590)

Nojdŏwniyjsze poświadczynie słowa „android” (Gabriel Naudé, Ôbrōna wszyskich wielkich ludzi, kerych fałesznie podejzdrzywali o magijõ, 1625)

Golym polskich Żydōw (z listka Christopha Arnolda, 1674)

Ôszydnŏ libsta (E. T. A. Hoffmann, Piŏskowy chop, 1816)

Stworzynie potwora (Mary Wollstonecraft Shelley, Frankenstein abo moderny Prōmeteusz, 1818)

Praski Golym (Ludwig August von Frankl-Hochwart, Ôjczyźniane powiarki i legyndy, 1836)

Gyneroł-cyborg (Edgar Allan Poe, Człowiek, kery sie zużōł, 1839)

Damfbedynery (Anti-Humbug, Frynologijŏ – wykrywŏcz mordyrstwa, 1840)

Parowy człowiek z preryj (Edward S. Ellis, Ôgrōmny myśliwiec abo parowy człowiek z preryj, 1868)

Ksiynga maszyn (Samuel Butler, Jakin abo po drugij strōnie gōr, 1872)

Bōnt maszyn (Comte Didier de Chousy, Ignis, 1883)

Kobiyta-android (Auguste de Villiers de L’Isle-Adam, Ewa prziszłości, 1886)

Bōnt robotōw na Saturnie (Cyrus Cole, Aurorafōn, 1890)

Ludziotwōrnia (Oskar Panizza, Die Menschenfabrik, 1890)

Partner do tańcowaniŏ (Jerome K. Jerome, Notice do rōmanu, 1893)

Jeszcze jedyn bōnt maszyn (Han Ryner, Bōnt maszyn, 1896)

Autōmatyczny szachista (Ambrose Bierce, Moxonōw majster, 1899)

Autōmatycznŏ izbetnŏ (Elizabeth W. Bellamy, Autōmatycznŏ izbetnŏ Ely’ego, 1899)

We świecie muglugōw (William Wallace Cook, Do roku 2000 i nazŏd abo flug bez czas, 1903)

Mechanopolis (Miguel de Unamuno, Mechanopolis, 1913)

 

Ôd tumacza

Zdrzōdła tekstōw

Zdrzōdła ilustracyj

Mirosław Syniawa (ur. w 1958 r. w Chorzowie) – pisŏrz, poeta i tumacz. 

Nasze wydŏwnictwo ôpublikowało do terŏzka jego antologije tumaczyń poezyje na ślōnski Dante i inksi (2014, poszyrz. 2021), szkocko-ślōnski tōm Wiersze i śpiywki Roberta Burnsa (2016), rōman Nunquam otiosus (2017), tomy wierszy Cebulowŏ ksiynga umartych (2018) i Mappa mundi (2023), a ku tymu ślōnsko-polski przekłŏd Tkŏczy G. Hauptmanna (2024). Mŏ tyż w dorobku tumaczynia dramatōw Kordian (2025) i Tragedyjŏ Hamleta, ksiyncia Dynymarku (2026).

Karel Čapek (* 9.1.1890 Malé Svatoňovice – † 25.12.1938 Praga) – czeski pisŏrz (m.in. trylogijŏ Hordubal, Meteor, Ajnfachowe życie), dramaturg (m.in. Sprawa Makropulos, Biołŏ niymoc), autōr ksiōnżek dlŏ bajtli (m.in. Daszyńka abo żywot psiōntka) i tumacz (Francuskŏ poezyjŏ nowyj doby), jedyn z piōnierōw fantastyki naukowyj (dramat R.U.R., rōmany Fabryka absolutu, Wojna ze salamandrami, Krakatit). Za życiŏ nŏleżoł do tuzōw światowyj literatury, wszysko, co publikowoł, było zarŏz tumaczōne na nojważniyjsze jynzyki, a w latach 1932-38 siedym razy bōł nōminowany do literackij Nadgrody Nobla.

Strōny: 336

Ôprawa: miynkŏ

Produkty powiązane

Opinie o produkcie (0)

Wyświetlane są wszystkie opinie (pozytywne i negatywne). Nie weryfikujemy, czy pochodzą one od klientów, którzy kupili dany produkt.

do góry
Sklep jest w trybie podglądu
Pokaż pełną wersję strony
Sklep internetowy Shoper.pl