Jak zych Pōnbōczka kole Mount Everestu trefiōł - Peter Bienia (SI + DE)

„Jak zych Pōnbōczka kole Mount Everestu trefiōł“  + "Wie ich Gott am Mount Everest getroffen habe“

Wstymp
Gōrny Ślōnsk, kaj żych sie urodziōł i wychowoł, je mojim małym hajmatym. Sam sōm mojy korczŏki, mōj mikrokosmos. Stōnd wywodzi sie cołkŏ moja familijŏ. Ôszkryfloł’ech to we dwōch piyrwyjszych ksiōnżkach «Mōj gōrnoślōnski ôbrŏzek z rōmkōm, ale niyôszklōny» i «Ślōnsky puzzle – mojy gōrnoślōnsky spōmniynia i rozwŏżania»
Cołki świat ze swojimi gōrōma je mojim «wielgim» hajmatym. Mioł żych to szczyńście i możebność prawie cołki świat ôbŏczyć i zwiedzić. Wlazowoł żych na srogy gōry we roztōmajtych jego czyńściach. Wszyńdzie, kaj’ch bōł, miyło mie witali, gościyli i czuł żych sie jak w dōma. Ze przeżytyj perspektywy mogã dzisiej padać, iże nikaj na świecie niy czuł żych sie cudzo. Ludzie wszyńdzie sōm jednake. Trefujesz jich ze reszpektym i zŏcōm, to tak tyż ôstaniesz ôd nich przijynty. Przi tych rajzach i wandrowaniu trefiōł żych moc ciekawych ludzi i przeżōł roztōmajty sytuacyje. Naspŏrzōło to mojã ôsobowość, rozszyrzōło mojy horyzōnty i pozwolōło mie sie duchowo rozwinōńć. Swojimi przeżyciōma i doświadczyniōma chcã sie ze czytŏczōma podzielić i jednocześnie pokŏzać, iże wszyńdzie na świecie ludzie majōm ty samy pragniynia, ôdczucia i problymy. Werci sie szukać takich placōw, kaj czowiek poradzi do pierwotnego stanu wrōcić, kaj znŏjdzie wyciszynie we medytacyji i trefi sie sōm ze sobōm abo Pōnbōczkym. We rajzach znŏd żych
ôdpowiydź na pytania ô syns życiŏ, ô naszõ ludzkõ nŏturã, ô potrzeby, jaky mōmy, i ô szczyńście, kerego szukōmy. To żych ôszkryflowoł we trzecij ksiōnżce.
Piszã jōm tyż po ślōnsku, bo je to gŏdka mojich ôjcōw, kerōm cołky życie gŏdōm, ale richtig pisać niōm sie dopiyro uczã. Chcã sie prziczynić do tego, coby ta gŏdka, kerŏ je tak blisko mojimu sercu i je bogajstwym naszyj kultury, miała perspektywã przetrwaniŏ.
Ślōnski tekst przełożōł żych na niymiecki. Moc Ślōnzŏkōw, kery ze Ślōnska wyjechali i niy mieli możebności po ślōnsku sie nauczyć abo już po ślōnsku niy poradzōm, majōm tã możebność tyn tekst po niymiecku przeczytać. Wstymp je przełożōny tyż na czeski i polski.

Vorwort
Die gesamte Welt, mit all ihren imposanten Bergen, ist meine „große“ Heimat. Ich hatte das wunderbare Glück, viele Teile der Welt zu bereisen und zu entdecken. In verschiedenen Regionen bin ich auf beeindruckende, hohe Berge geklettert. Egal, wo ich war, wurde ich stets herzlich empfangen und gastfreundlich bewirtet. Das Gefühl, überall zu Hause zu sein, hat mich begleitet. Aus dieser lebendigen Erfahrung heraus kann ich heute mit Überzeugung sagen, dass wir Menschen in der ganzen Welt viele Gemeinsamkeiten haben. Wenn man ihnen mit Respekt und Zuneigung begegnet, kommt das auf dieselbe Weise zurück.
Auf meinen Reisen und Wanderungen habe ich viele faszinierende Menschen kennengelernt und verschiedene Situationen erlebt, die meinen Horizont erweitert und meine Persönlichkeit bereichert haben. Diese Erlebnisse möchte ich gerne mit meinen Lesern teilen und gleichzeitig aufzeigen, dass die Menschen überall auf der Welt ähnliche Bedürfnisse, Gefühle und Herausforderungen haben.
Es lohnt sich, nach Orten zu suchen, an denen man zu seinem Ursprung zurückkehren und Ruhe und Meditation finden kann, um sich selbst oder auch den Gott „Pōnbōczek“ zu begegnen. An solchen Orten habe ich Antworten auf die Fragen nach dem Sinn des Lebens, unserer menschlichen Natur, unseren Bedürfnissen und dem Glück gefunden, das wir alle suchen

Jynzyk/Sprache: ślōnski i niymiecki / oberschlesisch und deutsch

Strōny: